Llanfairfechan, Cymru (18 Mai, 2024): Nododd Clwb Achub Bywyd o’r Môr Llanfairfechan (LLSLSC) garreg filltir bwysig y penwythnos hwn gyda’i batrôl gwirfoddol cyntaf, gan gefnogi protest Padlo Allan Genedlaethol Surfers Against Sewage. Daeth ymrwymiad y clwb i ddiogelwch a’r gymuned i’r amlwg wrth iddyn nhw weithio mewn partneriaeth â Plastic Free Llanfairfechan i sicrhau digwyddiad llyfn ac amgylcheddol gyfrifol.

Adeiladu sylfaen gref: Mae’r patrôl llwyddiannus hwn yn dangos ymroddiad gwirfoddolwyr LLSLSC. Yn dilyn y sesiynau Swimsafe llwyddiannus a gynhaliwyd gyda Ffit Conwy yn 2022, treuliodd y clwb 2023 yn datblygu sgiliau ei aelodau. Mae’r achubwyr bywyd cymwys a’r hyfforddeion a roddodd gymorth hanfodol yn ystod y digwyddiad padlo allan yn dyst i’r ymrwymiad parhaus hwn.

Ehangu’r Teulu sy’n Achub Bywydau: Adeiladu sgiliau bywyd gwerthfawr, gwneud ffrindiau, a chael hwyl! Mae LLSLSC yn gyffrous i gyhoeddi ei noson agored gyntaf a gynhelir ddydd Gwener, 14 Mehefin. Bydd y digwyddiad hwn yn agored i unrhyw un sydd â diddordeb mewn dysgu rhagor am y clwb ac ymuno â’i genhadaeth. Mae Achub Bywyd o’r Môr yn cynnig profiad gwerth chweil sy’n meithrin gwaith tîm, gwytnwch, a ffitrwydd, a’r cyfan wrth fwynhau gwefr y dŵr. Mae modd cofrestru nawr ar wefan LLSLSC ar [www.llanfairfechanslsc.org.uk ].

Cyfleoedd Cynyddol: Gan gryfhau ei ffocws cymunedol ymhellach, mae LLSLSC wrthi’n ehangu ei aelodaeth i gynnwys pob oedran. Mae rhaglen newydd sbon ar gyfer y Rhai Bach (7-13 oed) a’r Adran Iau (13-16 oed), gan ymuno â’r adrannau Hŷn a Meistr sefydledig. Mae’r ychwanegiad cyffrous hwn yn darparu llwybr i bobl ifanc ddatblygu sgiliau achub bywyd gwerthfawr ac angerdd am ddiogelwch dŵr.

Dyfyniad:

Mae Roger Pierce, Cynrychiolydd Rhanbarthol Cymdeithas Achub Bywyd o’r Môr Cymru a Swyddog Datblygu Gweithgareddau Awyr Agored Conwy, yn cymeradwyo cynnydd y clwb: “Mae’n wych gweld gwaith caled y gwirfoddolwyr yn dechrau talu ar ei ganfed. Mae’r noson agored yn rhoi cyfle gwych i ragor o bobl leol gymryd rhan mewn cefnogi eu cymuned, ac rwy’n gyffrous i weld beth ddaw nesaf wrth i’r clwb ehangu a thyfu.” Rhoi’n Ôl i’r Gymuned: Mae Clwb Achub Bywyd o’r Môr Llanfairfechan, sefydliad elusennol a sefydlwyd yn 2023 yn sgil damwain boddi lleol, yn estyn diolch mawr i’w gefnogwyr. Chwaraeodd Cronfa Dŵr Anafon a Chronfa Ffyniant Gyffredin y DU ran hollbwysig drwy ddarparu cyllid hanfodol yn ystod cyfnod sefydlu’r clwb. Mae’r cymorth hwn yn galluogi’r clwb yn uniongyrchol i gymryd rhan weithredol mewn digwyddiadau cymunedol fel y padlo allan gan Surfers Against Sewage, hyrwyddo diogelwch dŵr, a rhoi yn ôl i’r gymuned y mae’r clwb yn ei wasanaethu. Gall y rhai sydd â diddordeb mewn dysgu rhagor am LLSLSC neu ddod yn aelod ymweld â’r wefan ar [ www.llanfairfechanslsc.org.uk ] neu fynd i’r noson agored a gynhelir ddydd Gwener, 14 Mehefin.

Image 1: Roger Pierce, Surf Life Saving Association Wales Regional Representative, addressing the crowd. Credit: Sam BeaumontI

Image 2: Zac Pierce, Llanfairfechan SLSC Head Lifeguard credit: Menna Wakeford

Image 3: Zac Pierce, Llanfairfechan SLSC Head Lifeguard briefing one of the Trainee Lifeguards, Mike Carter. Credit: Menna Wakeford

Image 4: Trainee Lifeguard, Laura Littlejohn leading the way Credit: Menna Wakeford

Location

Promenade, Llanfairfechan LL33 0BY, UK